Güzəştli Kreditlər
Enerji effektivliyi fondunun vəsaiti hesabına güzəştli kredit
Güzəştli kreditlər
Enerji Məsələlərini Tənzimləmə Agentliyi “Enerji resurslarından səmərəli istifadə və enerji effektivliyi haqqında” Azərbaycan Respublikasının 9 iyul 2021-ci il tarixli 359-VIQ nömrəli Qanununda nəzərdə tutulan istiqamətlər üzrə tədbirlərin həyata keçirilməsi üçün müvəkkil kredit təşkilatları vasitəsilə Enerji effektivliyi fondunun vəsaiti hesabına fiziki və hüquqi şəxslərə illik faiz dərəcəsi 5 %-dək olmaqla güzəştli kreditlər verir.
Güzəştli kreditlər vasitəsilə maliyyələşdirilən istiqamətlər:
• enerji effektivliyi üzrə tədbirlərin və dövlət proqramlarının icrasının dəstəklənməsi;
• enerji menecmenti sisteminin tətbiqi;
• ağıllı sayğacların və sistemlərin tətbiqi;
• kogenerasiya və yüksək effektiv kogenerasiya qurğularının tətbiqi;
• bərpa olunan enerji mənbələrindən istifadə.
| Kreditin növü | Məbləğ (AZN) | Müddət | Güzəşt müddəti |
|---|---|---|---|
| Kiçikhəcmli kreditlər | 1 000 – 50 000 | 5 ilədək | 6 ay |
| Ortahəcmli kreditlər | 50 001 – 1 000 000 | 10 ilədək | 12 ay |
| Böyükhəcmli kreditlər | 1 000 001 – 10 000 000 | 15 ilədək | 24 ay |