• Avropanın 17 ölkəsində fəaliyyət göstərən bankçılıq qrupunun üzvü “Yapı Kredi Bank Azərbaycan” QSC 2019-cu ilin ikinci rübü üzrə xalis mənfəətini keçən ilin müvafiq dövrü ilə müqayisədə 2,4 dəfə artıraraq 3,4 mln manata çatdırmışdır.
    Bankın 2019-cu ilin ikinci rübünə dair açıqladığı hesabata əsasən xalis faiz gəlirləri 2018-ci ilin ikinci rübü ilə müqayisədə artaraq 15 mln AZN-ə çatıb. Bundan əlavə, ötən ilin analoji dövrünün göstəricilərinə nisbətən aktivlər üzrə mümkün zərərlərin ödənilməsi üçün xüsusi ehtiyatın yaradılmasına ayırmalar 38% azalmışdır və bu fakt da öz növbəsində bankın kredit portfelinin müsbət keyfiyyət dinamikasını əks etdirir.
    Yapı Kredi qlobal bankçılıq təcrübəsini Azərbaycanda tətbiq etməyə davam etmişdir və nəticədə müştərilərinin etimadını qazanmışdır. Belə ki, banka etibar edərək vəsaitlərini əmanət edən fiziki şəxslərin tələbli əmanətlərinə nəzər yetirdikdə həmin göstəricinin 2018-ci ilin müvafiq dövrü ilə müqayisədə 36% artaraq 51.5 mln AZN-ə çatdığını müşahidə edirik.
    Yapı Kredi Bank Azərbaycan ölkədə real sektorunun dəstəklənməsi istiqamətində, o сümlədən Strateji Yol Xəritələrində müəyyənləşdirilmiş prioritetlərə uyğun olaraq kredit fəaliyyətini davam etdirmiş və kredit portfelini 168 mln manata yüksəltmişdir. Kredit portfelinin iqtisadi sahələr üzrə strukturuna nəzər yetirdikdə, əsasən qeyri-neft sektorunun maliyyələşdirildiyini görmək mümkündür.
    Bankın kapital göstəriciləri kifayət qədər ürəkaçandır. Ötən ilin eyni dövrü ilə müqayisədə 2019-cu ilin ikinci rübünün sonunda bankın I dərəcəli kapitalı 9% artaraq 66,5 mln AZN, məcmu kapitalı 10% artaraq 72,1 milyon AZN olmuşdur. Kapitalın adekvatlıq əmsalı 24%-ə çatmışdır. Qeyd edək ki, bu göstəricilər yerli qanunvericiliyin minimal tələbindən dəfələrlə çoxdur.


    Yapı Kredi Bank Azərbaycan dünyanın 17 ölkəsində fəaliyyət göstərən bankçılıq qrupunun üzvüdür. Ana səhmdarı UniCredit (İtalya) və Koç Holding (Türkiyə) olan bank, Azərbaycanda bankçılıq sektorunda beynəlxalq təcrübə ilə Bakı və Sumqayıt şəhərlərində yerləşən filialları, 7/24 xidmət göstərən Telefon Mərkəzi və İnternet/Mobil Bankçılıq məhsulları ilə müştərilərə geniş çeşiddə xidmət verməkdədir.

Kredit borclarının
güzəşt kalkulyatoru

Hörmətli istifadəçi

Azərbaycan Respublikasında fiziki şəxslərin problemli kreditlərinin həlli ilə bağlı əlavə tədbirlər haqqında Azərbaycan Respublikası Prezidentinin Fərmanına uyğun olaraq, fiziki şəxslərin xarici valyutada əsas kredit borclarının devalvasiya ilə bağlı manatla artmış hissəsi ilə əlaqədar Maliyyə Bazarlarına Nəzarət Palatası tərəfindən hazırlanmış güzəşt kalkulyatoru sizə təqdim edirik.

Kalkuyator üçün buraya klikləyin

SİZİN ÜÇÜN BURADAYIQ